ලොව සිදුවන සියලුම ඩිජිටල් ගනුදෙනු මෙහි සටහන් වන අතර එය සංකේතනය(Encrypt) කර ඇත. එය සංකේතන ක්‍රමයට (Encryption Method) අනුව තැන්පත් වන අතර එයට පෞද්ගලික යතුරු (Private Keys) භාවිතා කිරීමෙන් ප්‍රවේශ විය හැක. එමෙන්ම මෙහි තෙවන පාර්ශවයකට ඇතුළත් නොවීමට සහ ආරක්‍ෂිත බව තහවුරු කිරීමට ගුප්තකේතනය (Cryptography) භාවිතා කරයි.(Cryptography යනු දෙවන ලෝක යුද්ධයේ පටන් රහස් හුවමාරු කරගැනීමේ ජනප්‍රිය ක්‍රමයකි).

          නමුත් මෙම පද්ධතියට රහසිගත අයුරින් යම් කිසි පුද්ගලයෙක්ට ඇතුලත් වීමට හැකි වුවහොත් එමඟින් මුළු පද්ධතියම බිඳ වටේ. එම ගැටලුවට විසඳුමක් වශයෙන් Decentralized ledgerය භාවිත වන අතර එය සංකේතනය වූ පසු ලෝකය පුරා ඇති පරිගණක දසදහස් ගණනකට මුල්‍ය ගනුදෙනු තොරතුරු යාවත්කාලීන කල හැක. එමෙන්ම යම්කිසි පුද්ගලයෙකුට මෙම පද්ධතිය hack කිරීමට අවශ්‍ය වුවහොත් එම පුද්ගලයට ලොව ඇති සියලුම පරිගණක වලට ප්‍රවේශ වීමට සිදු වේ. එයින් මෙම Decentralized ledgerයේ ඇති ආරක්‍ෂිත බව ඔබට වටහා ගත හැකිය. එපමණක් නොව, Decentralized ledgerට අමතරව මෙම පද්ධතිය ආරක්ෂා කිරීම සඳහා කොටස් වශයෙන් වෙන් කර ඇති අතර එහි එක කොටසක් බ්ලොක් එකක් (block ) ලෙස හඳුන්වයි. යම්කිසි කාලයකට පසුව එම Block එකට අලුත් block එකක් සැකසීමටද, කලින් තිබුන block එකක හෑෂ් කෝඩ්(hash code) එක යොදා ගනිමින් නව block එකක් සකසා එය තුළ දත්ත තැන්පත් කල හැකිය. (Hash code යනු ගණිතමය ගණනයකි. එය භාවිතයෙන් දිගු සංඛ්‍යාවක් කෙටි ඉලක්කමක් බවට පරිවර්තනය කළ හැක). එහි ඇති සංකීර්ණත්වය නිසා block එකක් තුළ ගබඩා කර ඇති දත්ත අනුමාන කර ඒවා හොරෙන් ලබාගැනීම කල නොහැක.එමඟින් ලේජරයේ ආරක්ෂාව තවදුරටත් තහවුරු කරයි. එවැනි block විශාල ප්‍රමාණයක් Hash codes මඟින් එකිනෙකට සම්බන්ධ කර ඇති නිසා එය බ්ලොක් චේන් (block chain) ලෙස හඳුන්වයි.